يسرا تخاف من الحسد

أثار وضع الفنانة يسرا علامة "الخرزة الزرقاء" بجوار صورتها على حسابها الموثق بموقع انستقرام كثير من التساؤل.

وبررت يسرا سبب وضعها هذه العلامة لأنها تخاف من الحسد وقالت إنها تعرضت للكثير من المواقف الصعبة والخطرة في الفترة الماضية بسبب "العين الوحشة".

وأضافت خلال لقاء مع برنامج Its Show Time: اه طبعا بخاف جدا من الحسد، وفي ناس فعلا عينها وحشة أوي، والفترة الأخيرة حصلي كام موقف، منهم واحد كان ممكن اتكل فيه على الله.

وأكدت أنها تخاف من المستقبل وحدوث أية تدهور في صحتها أو إصابتها بأي مرض لعين.

وتابعت: أنا بخاف من بكرا، أو إن الواحد يتعب أو يتبهدل، ومفيش حد فينا مش بيخاف من المرض.

 وحول سر جمالها قالت إن كلنا ممكن نحتاج لعمليات التجميل أو البوتكس، لكن لما نغير الهوية والشخصية بتاعتك اللي أنا عارفاكي بيها، أكيد هيحصل انفصال بيني وبينك.

وشددت على ضرورة الاهتمام بمظهرها وشكلها مع عدم المبالغة بالكثير من عمليات التجميل.

 وتابعت متحدثة عن تجربتها الشخصية قائلة: أنا بعمل بوتكس وفيتامينات، ولكن مش أغير شكلي وهويتي، لإن كدة الجمهور هيتفرج على حد تاني.