بعد صورتها الأخيرة ..هل تعرضت الفنانة اللبنانية هيفاء وهبي لمؤامرة؟
شهدت مواقع التواصل الاجتماعي خلال الساعات الماضية تداول واسع لاسم الفنانة اللبنانية هيفاء وهبي وذلك بعد ظهورها خلال المؤتمر الصحفي الذي سبق حفلتها في موسم الرياض، بملامح صادمة يظهر عليها التقدم بالعمر وفشل جراحات التجميل
وأثارت هذه الصور الجدل الكبير مما دفع عدداً كبيراً من المشاهير للتصدي للدفاع عن النجمة اللبنانية وأكد أغلبهم أن الصورة المتداولة لا تعبر عن الملامح الحقيقية لهيفاء وتأثرت بالإضاءة الخافتة، وذهب البعض لوجود مؤامرة على وهبي.
وكانت الفنانة المصرية فيفي عبدة، من أوائل من خرج للدفاع عن وهبي حيث خرجت ببث مباشر عبر خاصية الاستوري بحسابها الشخصي على موقع إنستغرام، للتعبير عن غضبها من سخرية البعض من هيفاء وهبي وقالت: متضايقة جداً من الكلام اللي بتقول على هيفاء، هي طول عمرها زي القمر ومن الستات الباربي، الإضاءة مكنتش كويسة، وهيا خاسة شوية دا لوك ومن حق الفنان يعمل اللي هو عايزه أمال ليه فنانين عشان الناس تقليدها يا جماعة، عمالين ضجة ليه وأدي وهبي فين هيفاء، أهو ده اللي أنتو فالحين فيه.
كما أن الإعلامية ياسمين عز، تصدت للدفاع عن هيفاء وهبي خلال برنامجها “كلام الناس”، المذاع على mbc مصر ، وقالت:" إن أعداء نجاح “هيفاء وهبي” ومَن يَغيرون منها، لم يستطيعوا السكوت، فكان لابد من إفساد فرحتها ومضايقتها.
وتابعت: “أصحاب الحقد والغيرة يعملو إيه”، ثم شرعت في تحليل الفيديو الذي تم التقاطه للفنانة قبل حفلها في الرياض، وكشفت حقيقته.
وأوضحت “عز”، أنهم جاءوا بفيديو مصوّر بكاميرا موبايل، وتم تصويرها من زاوية سفلية، وهي تجري لقاء مع عدة قنوات فتم تصويرها مع إضاءة سيئة”.
ولم يكتف مصور المقطع -الذي تعمّد التقاطه من هذه الزواية- بذلك؛ “بل زاد لمسات فوتوشوب وأشياء غير موجودة، والتقطوا صورة من الفيديو ونشروها بعد اللعب عليها، وعلّقوا: الحق هيفاء شكلها إيه من غير فلاتر”، بحسب وصف المذيعة المصرية.
وتابعت: “الست في الحقيقة فلقة قمر، وعندها جمال الشكل والروح والكاريزما، كلمني عن الأدب وهي بتتكلم، عن الثقة بالنفس والاحترام في ردها على الصحافة”.
واستطردت ياسمين عز: “أو كلمني عن الرزانة ولغة الجسد المظبوطة وحركتها على المسرح، وطلتها المحتشمة لكن في نفس الوقت حلوة وفيها جاذبية.. هي ما شاء الله القالب غالب وجسمها لبيس”.
واختمت دفاعها عن هيفاء بالقول: “الست ربنا خلقها جميلة وهيي مخلوق جميل من زمان”.
بدورها قالت مروة صبري خلال برنامجها "قعدة ستات": الرجالة طول الوقت يفرجوا ستاتهم على هيفاء وهبي ويقولولهم شوفوا هيفاء، دلوقت بقى هما اللي يفرجوا رجالتهم ويقولولهم هي دي هيفاء؟ على فكرة أنا قابلت هيفاء في الساحل ومشفتش في جمالها الحقيقة قعدت أتأمل فيها ساعة وأقول أيه الجمال ده ماشاء الله وشها وجسمها مفيهمش غلطة".
واختمت: أكيد حد وصى عليها عشان يصورها من الزاوية الوحشة والضلمة دي ويطلعها بالشكل ده، جربوا بنفسكم تتصوروا صورة بدون إضاءة وشوفوا شكلكم هتطلعوا إزاي.
كما دافع عن الفنانة هيفاء هبي محمود المهدي طليق الفنانة منة عرفة: وقال كمية تنمر على شكلها من امبارح مش طبيعية كلنا هنوصل السن ده وتجاعيد وشنا هتبان وهنكبر، وفي مننا وصل لكده من الهم والتعب والمرض وأهلنا وصلوا لكده دي سنة الحياة والبنات الكتير اللي بتتنمر عليها دلوقتي هيبان على أغلبكم بدري لإنه هيكون بعضهم مش معاها تعمل عمليات تجميل، اللي بيفضل روح الشخص ياجماعة عمرها ما كانت بالشكل ودائمًا الناس اللي بتختار الشكل ومبيفرقش معاها الروح بتخسر في الأخر، بقينا بنهتم بالمظاهر ونسينا المضمون زي ناس كتير بتلبس ماركات ولبس نضيف ومن جواها ماتتعاشرش.
